నా పయనం అలుపు తెలియక పాట లిరిక్స్ | జ్ఞాపకం (2007)

నా పయనం అలుపు తెలియక   పాట లిరిక్స్  | జ్ఞాపకం (2007)

చిత్రం : జ్ఞాపకం (2007)

సంగీతం : శేఖర్ చంద్ర

సాహిత్యం : వరికుప్పల యాదగిరి

గానం : కార్తీక్

నా పయనం అలుపు తెలియక

సాగునులే అడుగు తొణకక

చిమ్మని చీకటి కమ్మేసి దారి దాచేస్తున్నా

గాలీ వానా చుట్టేసి దాడి చేసేస్తున్నా

ఆ గమ్యం నా చేరువగా చేరనిదే

నాలో రగిలే రాగం ఆగేనా

పొగిలే గానం మారేనా

ఎదలో దాహం తీరనిదే

నా పయనం అలుపు తెలియక

సాగునులే అడుగు తొణకక

నాకోసం నేనున్నానన్నది నాలో ధైర్యం

నను నడిపించే నేస్తం ఉప్పొంగే ఆనందం

నాతోనే నీడగ నడిచొస్తున్నది నా ఆరాటం

నను గెలిపించే వరకూ విడిపోనన్నది పంతం

తలచినదేది ఐనా గానీ కష్టాలే ఎదురైరానీ

కాదు పొమ్మని అనని వెనుతిరిగొస్తానా 

దూరం ఎంతగ ఉన్నా...

నా పయనం అలుపు తెలియక

సాగునులే అడుగు తొణకక

నేనంటే నాకెంతో ఇష్టం ఈ లోకంలో

దేవుడికైనా గానీ నా తర్వాతే స్థానం

నా చుట్టూ ఎవరేమనుకున్నా వెరవని తత్వం

నా ఆలోచన ఒకటే ఆ సమయంలో వేదం

వదలను ఆట మొదలెడితే

గెలవాలని అనుకుంటే

నను ఆపే శక్తి ఉన్నాగానీ ఆగిపోనులే..

లక్ష్యం చేరే వరకూ...

నా పయనం అలుపు తెలియక

సాగునులే అడుగు తొణకక

చిమ్మని చీకటి కమ్మేసి దారి దాచేస్తున్నా

గాలీ వానా చుట్టేసి దాడి చేసేస్తున్నా

ఆ గమ్యం నా చేరువగా చేరనిదే

నాలో రగిలే రాగం ఆగేనా

పొగిలే గానం మారేనా

ఎదలో దాహం తీరనిదే