పలుకు తేనెల తల్లి అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: పలుకు తేనెల తల్లి 

Get This Keerthana In English Script Click Here

Devotional

Aarde Lyrics

రాగం: సాళంగనాట

పలుకు దేనెల తల్లి పవళించెను |

కలికి తనముల విభుని గలసినది గాన ‖

నిగనిగని మోముపై నెఱులు గెలకుల జెదర

పగలైన దాక జెలి పవళించెను |

తెగని పరిణతులతో తెల్లవారినదాక

జగదేక పతి మనసు జట్టి గొనె గాన ‖

కొంగు జారిన మెఱుగు గుబ్బ లొలయగ దరుణి

బంగారు మేడపై బవళించెను |

చెంగలువ కనుగొనల సింగారములు దొలక

అంగజ గురునితోడ నలసినదిగాన ‖

మురిపెంపు నటనతో ముత్యాల మలగుపై

పరవశంబున దరుణి పవళించెను |

తిరు వేంకటాచలా ధిపుని కౌగిట గలసి

అరవిరై నును జెమలు నంటినదిగాన ‖