మేదిని జీవుల గావ అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: మేదిని జీవుల గావ

Get This Keerthana In English Script Click Here

Devotional

Aarde Lyrics

మేదిని జీవుల గావ మేలుకోవయ్యా |

నీదయే మాకెల్ల రక్ష నిద్ర మేలుకోవయ్యా ‖

తగుగోపికల కన్నుదామరలు వికసించె

మిగుల సూర్యనేత్రుడ మేలుకోవయ్యా |

తెగువ రాక్షసులనే తిమిరము విరియగ

నెగడిన పరంజ్యోతి నిద్ర మేలుకోవయ్యా ‖

ఘనదురితపు గలువలు వికసించె

మినుకు శశినేత్రుడ మేలుకోవయ్యా |

పనివడి వేదాలనే పక్షులెల్లా బలుకగ

జనక! యాశ్రితపారిజాత మేలుకోవయ్యా ‖

వరలక్ష్మీ కుచచక్రవాకము లొండొంటి రాయ

మెరయుదోషరహిత మేలుకోవయ్యా |

పొరసి నీవు నిత్యభోగములు భోగించ

నిరతి శ్రీవేంకటేశ నేడు మేలుకోవయ్యా ‖