ఇప్పుడిటు కలగన్టి అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: ఇప్పుడిటు కలగన్టి

Get This Keerthana In English Script Click Here

Devotional

Aarde Lyrics

రాగం: భూపాళం

ఇప్పుడిటు కలగంటి నెల్లలోకములకు |

అప్పడగు తిరువేంకటాద్రీశు గంటి ‖

అతిశయంబైన శేషాద్రిశిఖరము గంటి |

ప్రతిలేని గోపుర ప్రభలు గంటి |

శతకోటి సూర్య తేజములు వెలుగగ గంటి |

చతురాస్యు బొడగంటి చయ్యన మేల్కొంటి ‖

కనకరత్న కవాట కాంతు లిరుగడగంటి |

ఘనమైన దీపసంఘములు గంటి |

అనుపమ మణీమయమ్మగు కిరీటము గంటి |

కనకాంబరము గంటి గ్రక్కన మేల్కొంటి ‖

అరుదైన శంఖ చక్రాదు లిరుగడ గంటి |

సరిలేని యభయ హస్తము గంటి |

తిరువేంకటాచలాధిపుని జూడగ గంటి |

హరి గంటి గురు గంటి నంతట మేల్కంటి ‖