జో అచ్యుతానంద అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: జో అచ్యుతానంద

Get This Keerthana In English Script Click Here

Devotional

Aarde Lyrics

జో అచ్యుతానంద జోజో ముకుందా

రావె పరమానంద రామ గోవిందా ‖

అంగజుని గన్న మా యన్న యిటు రారా

బంగారు గిన్నెలో పాలు పోసేరా |

దొంగ నీవని సతులు గొంకుచున్నారా

ముంగిట నాడరా మోహనాకార ‖

గోవర్ధనంబెల్ల గొడుగుగా పట్టి

కావరమ్మున నున్న కంసుపడగొట్టి |

నీవు మధురాపురము నేలచేపట్టి

ఠీవితో నేలిన దేవకీపట్టి ‖

నందు నింటను జేరి నయము మీఱంగ

చంద్రవదనలు నీకు సేవ చేయంగ |

నందముగ వారిండ్ల నాడుచుండంగ

మందలకు దొంగ మా ముద్దురంగ ‖

పాలవారాశిలో పవళించినావు

బాలుగా మునుల కభయమిచ్చినావు |

మేలుగా వసుదేవు కుదయించినావు

బాలుడై యుండి గోపాలుడైనావు ‖

అట్టుగట్టిన మీగ డట్టె తిన్నాడే

పట్టి కోడలు మూతిపై రాసినాడే |

అట్టె తినెనని యత్త యడగ విన్నాడే

గట్టిగా నిది దొంగ కొట్టుమన్నాడే ‖

గొల్లవారిండ్లకు గొబ్బునకుబోయి

కొల్లలుగా త్రావి కుండలను నేయి |

చెల్లునా మగనాండ్ర జెలిగి యీశాయీ

చిల్లతనములు సేయ జెల్లునటవోయి ‖

రేపల్లె సతులెల్ల గోపంబుతోను

గోపమ్మ మీ కొడుకు మా యిండ్ల లోను |

మాపుగానే వచ్చి మా మానములను

నీ పాపడే చెఱిచె నేమందుమమ్మ ‖

ఒకని యాలినిదెచ్చి నొకని కడబెట్టి

జగడములు కలిపించి సతిపతులబట్టి |

పగలు నలుజాములును బాలుడై నట్టి

మగనాండ్ర చేపట్టి మదనుడై నట్టి ‖

అలిగి తృణావర్తు నవని గూల్చితివి

బలిమిమై బూతన బట్టి పీల్చితివి |

చెలగి శకటాసురుని జేరి డొల్చితివి

తలచి మద్దులు రెండు ధరణి వ్రాల్చితివి ‖

హంగుగా తాల్లపాకన్నయ్య చాల

శృంగార రచనగా చెప్పె నీ జోల |

సంగతిగ సకల సంపదల నీవేళ

మంగళము తిరుపట్ల మదనగోపాల ‖