షోడశ కళానిధికి అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: షోడశ కళానిధికి

Get This Keerthana In English Script Click Here

Devotional

Aarde Lyrics

షోడసకళానిధికి షోడశోపచారములు

జాడతోడ నిచ్చలును సమర్పయామి ‖

అలరు విశ్వాత్మకున కావాహన మిదె సర్వ

నిలయున కాసనము నెమ్మినిదే |

అలగంగా జనకున కర్ఘ్యపాద్యాచమనాలు

జలధి శాయికిని మజ్జనమిదే ‖

వరపీతాంబరునకు వస్త్రాలంకారమిదె

సరి శ్రీమంతునకు భూషణము లివే |

ధరణీధరునకు గంధపుష్ప ధూపములు

తిరమిదె కోటిసూర్యతేజునకు దీపము ‖

అమృతమథనునకు నదివో నైవేద్యము

గమి(రవి)జంద్రునేత్రునకు కప్పురవిడెము |

అమరిన శ్రీవేంకటాద్రి మీది దేవునికి

తమితో ప్రదక్షిణాలు దండములు నివిగో ‖