చాలదా హరి నామ అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: చాలదా హరి నామ

Get This Keerthana In English Script Click Here

Devotional

Aarde Lyrics

రాగము : హంసధ్వని

చాలదా హరి నామ సౌఖ్యామృతము దమకు |

చాలదా హితవైన చవులెల్లను నొసగ ‖

ఇది యొకటి హరి నామ మింతైన జాలదా |

చెదరకీ జన్మముల చెరలు విడిపించ |

మదినొకటె హరినామ మంత్రమది చాలదా |

పదివేల నరక కూపముల వెడలించ ‖

కలదొకటి హరినామ కనకాద్రి చాలదా |

తొలగుమని దారిద్ర్యదోషంబు చెరుచ |

తెలివొకటి హరినామదీప మది చాలదా |

కలుషంపు కఠిన చీకటి పారద్రోల ‖

తగువేంకటేశు కీర్తనమొకటి చాలదా |

జగములో కల్పభూజంబు వలె నుండ |

సొగసి యీవిభుని దాసుల కరుణ చాలదా |

నగవు జూపులను నున్నతమెపుడు జూప ‖