పాలరాతి మందిరాన పడతిబొమ్మ అందం పాట లిరిక్స్ | నేనూ మనిషినే (1971)

చిత్రం : నేనూ మనిషినే (1971)

సంగీతం : వేద (ఎస్.వేదాచలం)

సాహిత్యం : సినారె

గానం : బాలు, సుశీల

పాలరాతి మందిరాన పడతిబొమ్మ అందం

అనురాగ గీతిలోన అచ్చ తెలుగు అందం

పాలరాతి మందిరాన పడతిబొమ్మ అందం

రతనాల కోట ఉంది రాచకన్నె లేదు

రంగైన తోట ఉంది రామచిలుక లేదు

ఆ రాచ కన్నెవు నీవై అలరిస్తే అందం

నా రామచిలుకవు నీవై నవ్వితే అందం

పాలరాతి మందిరాన పడతిబొమ్మ అందం

అనురాగ గీతిలోన అచ్చ తెలుగు అందం

పాలరాతి మందిరాన పడతిబొమ్మ అందం

కన్నెమనసు ఏనాడూ సన్నజాజి తీగ

తోడు లేని మరునాడూ వాడి పోవు కాదా

ఆ తీగకు పందిరి నీవై అందుకుంటే అందం

ఆ కన్నెకు తోడుగ నిలచి అల్లుకుంటే అందం

పాలరాతి మందిరాన పడతిబొమ్మ అందం

అనురాగ గీతిలోన అచ్చ తెలుగు అందం

పాలరాతి మందిరాన పడతిబొమ్మ అందం

నీ సోగకన్నుల పైనా బాస చేసినాను

నిండు మనసు కోవెలలోనా నిన్ను దాచినాను

ఇరువురిని ఏకం చేసే ఈ రాగబంధం

ఎన్నెన్ని జన్మలకైనా చెరిగి పోని అందం

చెలుని వలపు నింపుకున్న

చెలియ బ్రతుకు అందం

అనురాగ గీతిలోనా అచ్చ తెలుగు అందం..

లా.ల.లా..ల.. లాలలాలలాలా..