ఆ హరి కౌగిట అలసట చెందిన పాట లిరిక్స్ | తిరుప్పావై గీతగోపాలం

 ఆల్బం : తిరుప్పావై గీతగోపాలం

సంగీతం : వి.డి.శ్రీకాంత్

సాహిత్యం : ఆచ్చి వేణుగోపాలాచార్య

గానం : నిత్య సంతోషిణి, గాయత్రి

 

ఆ హరి కౌగిట అలసట చెందిన

అమ్మాయి మణి నిదుర లేవమ్మా

అహరహములు ఆ పక్షి గుంపులు

దేహాలు మురిపించే పలుకులు వినవమ్మా

గరుడారూఢుడై కదలిన వేళ

త్వరగా లెమ్మను శంఖారావము

వినబడు ధ్వనులకు కనువిప్పలేవా

నిను లేపు వారలెవరును లేరా

పాలిడ వచ్చిన పూతన స్థనముల

పాలుత్రాగుచు ప్రాణము తీసిన

బాల కృష్ణుని లీలలు చూపుచు

బండి రక్కసుని గుండెలు చీల్చెను

క్షీర సంద్రమున శేష శాయి యై

కారణ భూతుడై లోకోన్నతికై

భారము నెత్తిన మోసిన వాడై

తీరని యోగనిద్రలో మునిగిన

సర్వేశ్వరుని సన్నిధి చేరిన

సకలమౌనులు హరిఓం హరి అన

సర్వ దిశలలో మ్రోగెను నాదము

సహన శాంతుల చూపెను వేదము

ఆ హరి కౌగిట అలసట చెందిన

అమ్మాయి మణి నిదుర లేవమ్మా