వేవేలా వర్ణాలా పాట లిరిక్స్ | సంకీర్తన

 చిత్రం : సంకీర్తన

సంగీతం : ఇళయరాజా

సాహిత్యం : సిరివెన్నెల

గానం : బాలూ, కౌసల్య (సీనియర్ లీడ్ కోరస్ సింగర్)

ఆ..ఆ..ఆ..అ..అ..ఆ..

ఆ..ఆ..ఆ..అ..అ..ఆ..

ఆ..ఆ..ఆ..అ..అ..ఆ..

వేవేలా వర్ణాలా...ఈ నేలా కావ్యాలా...

అలలూ శిలలూ తెలిపే కధలూ...

పలికే నాలో గీతాలై...

వేవేలా వర్ణాలా... ఈ నేలా కావ్యాలా...

ఓ గంగమ్మో పొద్దెక్కి పోతాంది తొరగా రాయే...

ఓ...తల్లీ గోదారి తుళ్ళి తుళ్ళి పారేటి

పల్లె పల్లె పచ్చాని పందిరీ...పల్లె పల్లె పచ్చాని పందిరీ...

నిండూ నూరేళ్ళు పండు ముత్తైదువల్లె వుండు

పంటా లచ్చిమి సందడీ...పంట పంటా లచ్చిమి సందడీ...

తందైన..తందతైన..తందైన..తందతైన..

తందైన..తందతయ్యనా.. తయ్య..తందైన..తందతయ్యనా..

వాన వేలి తోటీ నేల వీణ మీటే...

నీలి నింగి పాటే.. ఈ చేలటా...

కాళిదాసు లాటి.. తోట రాసుకున్న..

కమ్మనైన కవితలే ఈ పూలటా...

ప్రతి కదలికలో నాట్యమె కాదా..

ప్రతి ఋతువూ ఒక చిత్రమె కాదా..

ఎదకే కనులుంటే....

వే వేలా వర్ణాలా...ఈ నేలా కావ్యాలా...

అలలూ శిలలూ తెలిపే కధలూ...

పలికే నాలో గీతా లై...

వే వేలా వర్ణాలా...ఈ నేలా కావ్యాలా...

లాలలా...ఆ అ ఆ...

లాలలా...ఆ అ ఆ...