నిదురించే తోటలోకి పాట ఒకటి వచ్చిందీ పాట లిరిక్స్ | ముత్యాల ముగ్గు (1975)

 చిత్రం : ముత్యాల ముగ్గు (1975)

సంగీతం : కె.వి. మహదేవన్

సాహిత్యం : గుంటూరు శేషంధ్రశర్మ

గానం : సుశీల

నిదురించే తోటలోకి పాట ఒకటి వచ్చిందీ

కన్నుల్లో నీరు తుడిచీ కమ్మటి కల ఇచ్చింది

నిదురించే తోటలోకి పాట ఒకటి వచ్చిందీ

కన్నుల్లో నీరు తుడిచీ కమ్మటి కల ఇచ్చింది

రమ్యంగా కుటీరాన రంగవల్లులల్లిందీ

దీనురాలి గూటిలోన దీపంగా వెలిగింది

రమ్యంగా కుటీరాన రంగవల్లులల్లిందీ

దీనురాలి గూటిలోన దీపంగా వెలిగింది

శూన్యమైన వేణువులో ఒక స్వరం కలిపి నిలిపిందీ

శూన్యమైన వేణువులో ఒక స్వరం కలిపి నిలిపిందీ

ఆకు రాలు అడవికి ఒక ఆమని దయ చేసింది

నిదురించే తోటలోకి పాట ఒకటి వచ్చిందీ

కన్నుల్లో నీరు తుడిచీ కమ్మటి కల ఇచ్చింది

విఫలమైన నా కోర్కెలు వేలాడే గుమ్మంలో

ఆశల అడుగులు వినపడీ అంతలో పోయాయి

విఫలమైన నా కోర్కెలు వేలాడే గుమ్మంలో

ఆశల అడుగులు వినపడీ అంతలో పోయాయి

కొమ్మల్లో పక్షుల్లారా గగనంలో మబ్బుల్లారా

నది దోచుకు పోతున్న నావను ఆపండి

రేవు బావురుమంటోందని

నావకు చెప్పండీ నావకు చెప్పండి

నిదురించే తోటలోకి పాట ఒకటి వచ్చిందీ

కన్నుల్లో నీరు తుడిచీ కమ్మటి కల ఇచ్చింది