గువ్వ గోరింకతో ఆడిందిలే బొమ్మలాట పాట లిరిక్స్ | ఖైదీ నంబర్ 786 (1988)

 

చిత్రం : ఖైదీ నంబర్ 786 (1988)

సంగీతం : రాజ్-కోటి 

సాహిత్యం : భువనచంద్ర

గానం : బాలు, జానకి

గువ్వ గోరింకతో ఆడిందిలే బొమ్మలాట

నిండు నాగుండెలో మ్రోగిందిలే వీణపాట 

ఆడుకోవాలి గువ్వలాగ

పాడుకుంటాను నీ జంట గోరింకనై

గువ్వ గోరింకతో ఆడిందిలే బొమ్మలాట

నిండు నాగుండెలో మ్రోగిందిలే వీణపాట

 

జోడుకోసం గోడ దూకే వయసిది

తెలుసుకో అమ్మాయిగారు

అయ్యొపాపం అంత తాపం

తగదులే తమరికి అబ్బాయిగారు 

ఆత్రమూ ఆరాటమూ చిందే వ్యామోహం

ఊర్పులో నిట్టూర్పులో అంతా నీ ధ్యానం 

కోరుకున్నానని ఆట పట్టించకు

చేరుకున్నానని నన్ను దోచేయకు  

చుట్టుకుంటాను సుడిగాలిలా ...

హోయ్... గువ్వ.. హా.. గోరింకతో.. హా.. 

ఆడిందిలే బొమ్మలాట

హోయ్.. నిండు.. హా.. నా గుండెలో హా.. 

మ్రోగిందిలే వీణపాట.. హోయ్.. హోయ్..

కొండనాగు తోడు చేరి

నాగిని బుసలలో వచ్చే సంగీతం 

సందెకాడ అందగత్తె

పొందులో ఉందిలే ఎంతో సంతోషం

పువ్వులో మకరందము ఉందే నీ కోసం  

తీర్చుకో ఆ దాహము వలపే జలపాతం

కొంచెమాగాలిలే కోర్కె తీరేందుకు 

దూరముంటానులే దగ్గరయ్యేందుకు

దాచిపెడతాను నా సర్వమూ ...

 

హోయ్... గువ్వ.. హాయ్.. గోరింకతో.. హాయ్.. 

ఆడిందిలే బొమ్మలాట

అహా.. నిండు.. హా.. నా గుండెలో హా

మ్రోగిందిలే వీణపాట.. ఆడుకోవాలి గువ్వలాగ

పాడుకుంటాను నీ జంట గోరింకనై