నేను నీకై పుట్టినానని పాట లిరిక్స్ | చంటబ్బాయి (1986)

 చిత్రం : చంటబ్బాయి (1986)

సంగీతం : చక్రవర్తి

సాహిత్యం : ఆరుద్ర

గానం : బాలు, సుశీల

నేను నీకై పుట్టినానని

నిన్ను పొందకా మట్టికానని

చెమ్మగిల్లే కనులతో

చేయి పట్టే మనసుతో

చేసుకున్న బాసలో

ఊసులేప్రేమ..

ఊపిరే ప్రేమ..

నిన్ను చూడకా నిదురపోనీ రెండు నేత్రాలు

కలల హారతి నీకు పట్టే మౌన మంత్రాలు

నిన్ను తాకకా నిలవలేనీ పంచ ప్రాణాలూ

కౌగిలింతలా గర్భగుడిలో మూగ దీపాలు

ప్రేమ మహిమ తెలుప తరమా

ప్రేమే... జీవన మధురిమా

నేను నీకై పుట్టినానని

నిన్ను పొందకా మట్టికానని

చెమ్మగిల్లే కనులతో

చేయి పట్టే మనసుతో

చేసుకున్న బాసలో

ఊసులేప్రేమ..

ఊపిరే ప్రేమ..

స్త్రీ అనే తెలుగక్షరంలా నీవు నిలుచుంటే

క్రావడల్లే నీకు వెలుగులా ప్రమిదనై ఉంటా

ఓం...అనే వేదాక్షరంలా నీవు ఎదురైతే

గానమై నిన్నాలపించే..ప్రణవమై ఉంటా

ప్రేమ మహిమ తెలియ తరమా

ప్రేమే... జీవన మధురిమా 

నేను నీకై పుట్టినానని

నిన్ను పొందకా మట్టికానని

చెమ్మగిల్లే కనులతో

చేయి పట్టే మనసుతో

చేసుకున్న బాసలో

ఊసులేప్రేమ..

ఊపిరే ప్రేమ..