కులుకుగ నడవరో అన్నమాచార్యుల కీర్తనలు లిరిక్స్ | భక్తీ | Aarde Lyrics

Album :: Annamacharya Keerthanalu

Song/ Keerthana :: కులుకుగ నడవరో

Get This Keerthana In English Script Click Here

Devotional

Aarde Lyrics

రాగం: దేసాళం

కులుకక నడవరో కొమ్మలాలా |

జలజల రాలీని జాజులు మాయమ్మకు ‖

ఒయ్యనే మేను గదలీ నొప్పుగా నడవరో

గయ్యాళి శ్రీపాదతాకు కాంతులాలా |

పయ్యెద చెఱగు జారీ భారపు గుబ్బల మిద

అయ్యో చెమరించె మా యమ్మకు నెన్నుదురు ‖

చల్లెడి గందవొడియై జారీ నిలువరో

పల్లకి వట్టిన ముద్దు బణతులాల |

మొల్లమైన కుందనపు ముత్యాల కుచ్చులదర

గల్లనుచు గంకణాలు గదలీమాయమ్మకు ‖

జమళి ముత్యాల తోడి చమ్మాళిగ లిడరో

రమణికి మణుల నారతు లెత్తరో |

అమరించి కౌగిట నలమేలు మంగనిదె

సమకూడె వేంకటేశ్వరుడు మా యమ్మకు ‖