Album: Suswagatham
సుస్వాగతం నవరాగమా
పలికిందిలే ఎద సరిగమ
ప్రియ దరహాసమా ప్రేమ ఇతిహాసమా
నీ తొలిస్పర్శలో ఇంత సుఖమైకమా
ఇది ప్రణయాలు చిగురించు శుభతరుణమా
సుస్వాగతం నవరాగమా
అంతేలేని వేగంతోనె ప్రేమే వస్తుంటే
నేను ఆనకట్ట వేయలేనె ఆహ్వానిస్తుంటే
పట్టే తప్పే విరహంలోనె మునిగిపోతుంటే
ఇంక క్షేమంగనే జీవిస్తా నీ చెయ్యందిస్తుంటే
ఆ చేతులే నీకు పూలదండగా
మెడలోన వేసి నీ జంట చేరనా
నా చూపు సూత్రంగ ముడిపడగా
నాజుకు చిత్రాల రాజ్యమేలనా
మౌనమే మాని గానమై పలికె నా భావన
సూరీడున్నాడమ్మ నిన్నే చూపడానికి
రేయి ఉన్నాదమ్మ తనలో నిన్నే చేరడానికి
మాట మనసు సిద్ధం నీకే ఇవ్వడానికి
నా కళ్ళు పెదవి ఉన్నాయ్ నీతో నవ్వడానికి
ఏనాడు చూసానో రూపురేఖలు
ఆనాడే రాసాను చూపులేఖలు
ఏరోజు లేవమ్మ ఇన్ని వింతలు
ఈవేళ నాముందు ప్రేమ పుంతలు
ఏడు వింతలను మించే వింత మన ప్రేమే సుమా
సుస్వాగతం నవరాగమా
పలికిందిలే ఎద సరిగమ
ప్రియ దరహాసమా ప్రేమ ఇతిహాసమా
నీ తొలిస్పర్శలో ఇంత సుఖమైకమా
ఇది ప్రణయాలు చిగురించు శుభతరుణమా..!!
comment 0 comments:
more_vertsentiment_satisfied Emoticon