తీయ తీయగ పలికే పలుకులదానా పాట లిరిక్స్ | తిరుప్పావై గీతగోపాలం

 

ఆల్బం : తిరుప్పావై గీతగోపాలం

సంగీతం : వి.డి.శ్రీకాంత్

సాహిత్యం : ఆచ్చి వేణుగోపాలాచార్య

గానం : నిత్య సంతోషిణి, గాయత్రి

తీయ తీయగ పలికే పలుకులదానా

శయ్యనింక వదిలేసి తలుపు తీయవా

సిగ్గు బిడియమేమి లేని చిన్న దానవా

మొగ్గ వంటి మోము యున్న మూగదానవా

పెరటి తోటలో ఉన్న పెద్ద కొలనులోను

విరిసినవి కమలాలు ముడిచినవి కలువలు

ఎరుపు గుట్టలు అట్టి మెరిసే పలువరసవారు

పరుగెడుదురు యోగులు పరమాత్మ సేవకై

పరిపూర్ణ జ్ఞానురాల మురిపాల ముద్దుబాల

అరమరికలు లేక నేడు మాట ఇచ్చి మరువనేల

నేటి రవీ రాకముందె మమ్ము మేల్కొలిపేవని

మాటకారి తగునా ఇటు చెప్పి నిదురపోవా

శంఖ చక్ర ధారుడు ఆజానుబాహుడు

సంకటారి శత్రు హారి పుండరీక నందనుడు

జంకు గొంకు మాని వాడి జపతపముల్ ఆచరించ

మంకువీడి లేచిరమ్మ మాధవుని స్తుతియించ

తీయ తీయగ పలికే పలుకులదానా

శయ్యనింక వదిలేసి తలుపు తీయవా

సిగ్గు బిడియమేమి లేని చిన్న దానవా

మొగ్గ వంటి మోము యున్న మూగదానవా