ఆల్బమ్ : జయదేవ అష్టపదిస్ వాల్యూం-2
సంగీతం : బాలమురళీ కృష్ణ
సాహిత్యం : జయదేవ
గానం : బాలమురళీ కృష్ణ
నాథ! హరే! జగన్నాథ! హరే!
సీదతి రాధా వాస గృహే ॥ (ధ్రువమ్‌) ॥
పశ్యతి దిశి దిశి రహసి భవంతం ।
తదధర మధుర మధూని పిబంతమ్‌ ॥
త్వదభిసరణ రభసేన వలంతీ ।
పతతి పదాని కియంతీ చలంతీ ॥
విహిత విశద బిస కిసలయ వలయా ।
జీవతి పరమిహ తవ రతి కలయా ॥
ముహురవలోకిత మండన లీలా ।
మధురిపు రహమితి భావన శీలా ॥
త్వరితముపైతి న కథమభిసారం ।
హరిరితి వదతి సఖీమనువారమ్‌ ॥
శ్లిష్యతి చుంబతి జల ధర కల్పం ।
హరిరుపగత ఇతి తిమిరమనల్పమ్‌ ॥
భవతి విలంబిని విగళిత లజ్జా ।
విలపతి రోదితి వాసక సజ్జా ॥
శ్రీ జయదేవ కవే రిదముదితం ।
రసిక జనం తనుతా మతిముదితమ్‌ ॥
comment 0 comments:
more_vertsentiment_satisfied Emoticon