ఆల్బమ్ : జయదేవ అష్టపదిస్ వాల్యూం-2
సంగీతం : బాలమురళీ కృష్ణ
సాహిత్యం : జయదేవ
గానం : బాలమురళీ కృష్ణ
సా విరహే తవ దీనా ॥ (ధ్రువమ్‌) ॥
మాధవ మనసిజ విశిఖ భయాదివ భావనయా త్వయి లీనా ।
నిందతి చందనమిందుకిరణమను విందతి ఖేదమధీరం ।
వ్యాళనిలయ మిళనేన గరళమివ కలయతి మలయ సమీరమ్‌ ॥
సా విరహే తవ దీనా ॥
అవిరళ నిపతిత మదన శరాదివ భవదవనాయ విశాలం ।
స్వహృదయ మర్మణి వర్మ కరోతి సజల నళినీదళజాలమ్‌ ॥
సా విరహే తవ దీనా ॥
కుసుమ విశిఖ శర తల్పమనల్ప విలాస కలా కమనీయమ్‌ ।
వ్రతమివ తవ పరిరంభ సుఖాయ కరోతి కుసుమ శయనీయమ్‌ ॥
సా విరహే తవ దీనా ॥
వహతి చ వలిత విలోచన జల ధరమానన కమలముదారం ।
విధుమివ వికట విధుంతుద దంత దళన గలితామృత ధారమ్‌ ॥
సా విరహే తవ దీనా ॥
విలిఖతి రహసి కురంగ మదేన భవంతమసమ శర భూతం ।
ప్రణమతి మకరమధో వినిధాయక రేచ శరం నవ చూతమ్‌ ॥
సా విరహే తవ దీనా ॥
ధ్యాన లయేన పురః పరికల్ప్య భవంతమతీవ దురాపం ।
విలపతి హసతి విషీదతి రోదితి చంచతి ముంచతి తాపమ్‌ ॥
సా విరహే తవ దీనా ॥
ప్రతిపదమిదమపి నిగదతి మాధవ! తవ చరణే పతితాఽహం ।
త్వయి విముఖే మయి సపది సుధానిధిరపి తనుతే తను దాహమ్‌ ॥
సా విరహే తవ దీనా ॥
శ్రీ జయదేవ భణిత మిదమధికం యది మనసా నటనీయం ।
హరి విరహాకుల వల్లవ యువతి సఖీ వచనం పఠనీయమ్‌ ॥
సా విరహే తవ దీనా ॥
మాధవ మనసిజ విశిఖ భయాదివ భావనయా త్వయి లీనా ।
comment 0 comments:
more_vertsentiment_satisfied Emoticon