ఆల్బమ్ : జయదేవ అష్టపదిస్ వాల్యూం-2
సంగీతం : బాలమురళీ కృష్ణ
సాహిత్యం : జయదేవ
గానం : బాలమురళీ కృష్ణ
కాఽపి మధురిపుణా
విలసతి యువతిరత్యధిక గుణా ॥ (ధ్రువమ్‌) ॥
స్మర సమరోచిత విరచిత వేశా ।
గళిత కుసుమ దర విలుళిత కేశా ॥
కాఽపి మధురిపుణా
హరి పరిరంభణ వలిత వికారా ।
కుచ కలశోపరి తరళిత హారా ॥
కాఽపి మధురిపుణా
విచలదలక లలితానన చంద్రా ।
తదధర పాన రభస కృత తంద్రా ॥
కాఽపి మధురిపుణా
చంచల కుండల దలిత కపోలా ।
ముఖరిత రశన జఘన గతి లోలా ॥
కాఽపి మధురిపుణా
దయిత విలోకిత లజ్జిత హసితా ।
బహువిధ కూజిత రతి రస రసితా ॥
కాఽపి మధురిపుణా
విపుల పులక పృథు వేపథు భంగా ।
శ్వసిత నిమీలిత వికసదనంగా ॥
కాఽపి మధురిపుణా
శ్రమ జల కణ భర సుభగ శరీరా ।
పరిపతితోరసి రతి రణధీరా ॥
కాఽపి మధురిపుణా
శ్రీ జయదేవ భణిత హరి రమితం ।
కలి కలుషం జనయతు పరిశమితమ్‌ ॥
కాఽపి మధురిపుణా
విలసతి యువతిరత్యధిక గుణా
comment 0 comments:
more_vertsentiment_satisfied Emoticon