అపుడు మాబలి మువ్వడియంచు పాట లిరిక్స్ | గోదా గీత మాలిక

 ఆల్బం : గోదా గీత మాలిక

సంగీతం : రాధా గోపి

సాహిత్యం : శ్రీమాన్ ఎస్.ఎన్.సి.పార్థసారధి అయ్యంగార్

గానం : వాణీజయరాం 

 

అపుడు మాబలి మువ్వడియంచు

మిన్ను మన్ను గొన్న

పాదములకు మంగళంబు

లంకకు నడచి రావణు

లయము జేయు మహిత

బలశాలి ఔ నీకు మంగళంబు

కపట శకటుని

పరిమార్ప కాలదన్ని

మాతను అలరించు

నీకు మంగళంబు

వత్స రాక్షసు

గిరవాటు వైచినట్టి

మాదు స్వామి

పాదములకు మంగళంబు

హరి అలిగి రాళ్ళు కురియ

ఆలమంద మలుప

కొండనెత్తిన నీకు మంగళంబు

సాధు రక్షణకు అంచును

సర్వకాలమందును దాల్చు

నీ వేలకు మంగళంబు

విన్నవింపగా నీకిది విశ్వరూపా

విన్నవింపగా నీకిది విశ్వరూపా

వచ్చినారము ప్రీతితొ వనజ నయనా

వచ్చినారము ప్రీతితొ వనజ నయనా