ఈ రాతిరి ఓ చందమామా పాట లిరిక్స్ | దొంగలకు దొంగ (1977)

చిత్రం : దొంగలకు దొంగ (1977)

సంగీతం : సత్యం

సాహిత్యం : దాశరథి

గానం : సుశీల

ఈ రాతిరి ఓ చందమామా

ఎట్లా గడిపేదీ అయ్యోరామా

ఈ రాతిరి ఓ చందమామా

ఎట్లా గడిపేదీ అయ్యోరామా

చాటుగ నను చేరి

అల్లరి పెడుతుంటే

నీతో వేగేదెలా

ఈ రాతిరి ఓ చందమామా

ఎట్లా గడిపేదీ అయ్యోరామా

వెన్నెలతో నా ఒళ్ళంతా పెనవేసేవూ

గిలిగింతలతో ఉక్కిరిబిక్కిరి చేసేవూ

ఎవరైన చూసేరు ఎగతాళి చేసేరూ

నీతో గడిపేదేలా..

ఈ రాతిరి ఓ చందమామా

ఎట్లా గడిపేదీ అయ్యోరామా

నిన్ను చూసి లేత కలువ విరిసిందీ

తెల్లవార్లూ మోటు సరసం తగదందీ

ఒకసారి ఔనంటే వదిలేది లేదంటే

ఎట్లా తాళేదిరా..

ఈ రాతిరి ఓ చందమామా

ఎట్లా గడిపేదీ అయ్యోరామా