ఏదేశాన్నించొచ్చారయ్యా పాట లిరిక్స్

 ఏదేశాన్నించొచ్చారయ్యా మా దేశానికి

చక్కని త్రిలోకసుందరి జానికమ్మకు॥

దొడ్డ దొడ్డవారలని బిడ్డనిస్తిమి

దొడ్డికాళ్ళ పెండ్లికొడుకని యెరక్కపోతిమి ॥ఏ॥

మేడలు మిద్దెలు గలవారని చేరె నిస్తిమి

దిబ్బలు గుడిసెల కాపురమని ఎరక్కపోతిమి ॥ఏ॥

గాబులు గంగాళాలు గలవారని మీకిస్తిమి

డాబు చేసుకు చేతికి చెంబేలేదని యెరుగము ॥ఏ॥

దానిమ్మగింజలు పళ్ళనిచాలగ నిస్తిమి

గొగ్గిపళ్ళ పెళ్ళికొడుకని యెరక్కపోతిమి ॥ఏ॥

చదువు సంధ్యలుగలవారని చాన నిస్తిమి

ఓనమాలురాని మొద్దబ్బాయని యెరుగము ॥ఏ॥

కోటి కోట్లుగలవారని కొమ్మనిస్తిమి

కూటికే వాచియున్నారను సూటితెలియదు॥

ఏ దేశాన్నుంచొచ్చారయ్యా మా దేశానికి ॥ఏ॥