ఆనంద మానంద మాయెను పాట లిరిక్స్

 ఆనంద మానంద మాయెను

మన రామూడు పెండ్లికొడు కాయెను

మన జానకి పెండ్లికూతు రాయెను

మన కౌసల్యనోము ఫలించెను॥

రత్నాల పలకను వేసిరి సీత

రాము లిద్దరు కూర్చుండిరీ

చెలు లతివేగ సింగారించిరీ

చెలువముతో శ్రీరాముడు లేచెను ॥ఆనం॥

ముందుగ పురోహితులు మంత్రముల్‌ చదువగ

పొందుగ మేళతాలములు మ్రోయించగ

మందయానలు మంచిపాటలు పాడంగ

అందముగ రాముడు మంగళసూత్రము గట్టె ॥ఆనం॥

ఎదుటను పార్వతి సరస్వతి

ఇంద్రాణిదేవి యరుంధతి

ఆణిముత్యముల సేసలుచల్లగ

తులలేని రత్నాలు తలబ్రాలు బోసిరి॥

ఆనంద మానంద మాయెను॥