ధన్వంతరి మంత్రం

 ధ్యానం

శంఖం చక్రం జలౌకాం దధదమృతఘటం చారుదోర్భిశ్చతుర్భిః |

సూక్ష్మస్వచ్ఛాతిహృద్యాంశుక పరివిలసన్మౌళిమంభోజనేత్రమ్ |

కాలాంభోదోజ్జ్వలాంగం కటితటవిలసచ్చారుపీతాంబరాఢ్యమ్ |

వందే ధన్వంతరిం తం నిఖిలగదవనప్రౌఢదావాగ్నిలీలమ్ ||

అచ్యుతానంత గోవింద విష్ణో నారాయణామృత

రోగాన్మే నాశయాఽశేషాన్ ఆశు ధన్వన్తరే హరే |

ఆరోగ్యం దీర్ఘమాయుష్యం బలం తేజో ధియో శ్రియం

స్వభక్తేభ్యః అనుగృహ్ణన్తం వందే ధన్వన్తరిం హరిమ్ ||

ధన్వన్తరేరిమం శ్లోకం భక్త్యా నిత్యం పఠన్తి యే |

అనారోగ్యం న తేషాం స్యాత్ సుఖం జీవన్తి తే చిరమ్ ||

మంత్రం 

ఓం నమో భగవతే వాసుదేవాయ ధన్వంతరయే అమృతకలశహస్తాయ వజ్రజలౌకహస్తాయ సర్వామయవినాశనాయ త్రైలోక్యనాథాయ శ్రీమహావిష్ణవే స్వాహా |

గాయత్రీ 

ఓం వాసుదేవాయ విద్మహే సుధాహస్తాయ ధీమహి తన్నో ధన్వన్తరిః ప్రచోదయాత్ |

తారకమంత్రం 

ఓం ధం ధన్వంతరయే నమః |

పాఠాంతరం 

ఓం నమో భగవతే మహాసుదర్శనాయ వాసుదేవాయ ధన్వంతరయే అమృతకలశహస్తాయ సర్వభయవినాశాయ సర్వరోగనివారణాయ త్రైలోక్యపతయే త్రైలోక్యనిధయే శ్రీమహావిష్ణుస్వరూప శ్రీధన్వంతరీస్వరూప శ్రీ శ్రీ శ్రీ ఔషధచక్ర నారాయణాయ స్వాహా |