తెలుగు పదానికి జన్మదినం లిరిక్స్

 

Album :Annamayya

Starring:Nagarjuna, Ramya Krishnan, Mohan Babu, Suman

Music :M.M.Keeravani

Lyrics-Veturi

Singers :SP Balu, Sujatha, Renuka

Producer:Doraswamy Raju

Director:K. Raghavendra Rao

Year:1997

తెలుగు పదానికి జన్మదినం

ఇది జానపదానికి జ్ఞానపదం

ఏడు స్వరాలే ఏడుకొండలై

వెలసిన కలియుగ విష్ణుపదం

అన్నమయ్య జననం

ఇది అన్నమయ్య జననం

ఇది అన్నమయ్య జననం

అరిషడ్వర్గము తెగనరికే

హరి ఖడ్గమ్మిది నందకము

బ్రహ్మలోకమున బ్రహ్మాభారతి

నాదాశీస్సులు పొందినది

శివలోకమ్మున చిద్విలాసమున

ఢమరుధ్వనిలో గమకితమై

దివ్యసభలలో భవ్యలాస్యముల

పూబంతుల చేబంతిగ ఎగసి

నీరద మండల నారద తుంబుర

మహతీగానపు మహిమలు తెలిసి

శితహిమకందర యతిరాట్సభలో

తపః ఫలమ్ముగ తళుకుమని

తల్లితనముకై తల్లడిల్లు

ఆ లక్కమాంబ గర్భాలయమ్ములో

ప్రవేశించే ఆ నందకము

నందనానందకారకము

అన్నమయ్య జననం

ఇది అన్నమయ్య జననం

ఇది అన్నమయ్య జననం

పద్మావతియే పురుడుపోయగా

పద్మాసనుడే ఉసురుపోయగా

విష్ణుతేజమై నాదబీజమై

ఆంధ్రసాహితీ అమరకోశమై

అవతరించెను అన్నమయ

అసతోమా సద్గమయా

అవతరించెను అన్నమయ

అసతోమా సద్గమయా

పాపడుగా నట్టింటపాకుతూ

భాగవతము చేపట్టెనయా

హరినామమ్మును ఆలకించక

అరముద్దలనే ముట్టడయా

తెలుగుభారతికి వెలుగుభారతై

ఎదలయలో పదకవితలు కలయా

తాళ్ళపాకలో ఎదిగె అన్నమయ

తమసోమా జ్యోతిర్గమయా

తమసోమా జ్యోతిర్గమయా

తమసోమా జ్యోతిర్గమయా