సందళ్ళే సందళ్ళే సంక్రాంతి సందళ్ళే పాట లిరిక్స్ | శ్రీకారం (2021)

చిత్రం : శ్రీకారం (2021)

సంగీతం : మిక్కీ జె మేయర్  

సాహిత్యం : సానాపతి భరధ్వాజ పాత్రుడు

గానం : అనురాగ్ కులకర్ణి, మోహన భోగరాజు

 

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే

మన ఊరితో సమయాన్నిలా 

గడిపేయడం ఒక సరదా రా

మనవారితో కలిసుండడం 

ఒక వరమేరా ఆ…

నను మరువని చూపులెన్నెన్నో

నను నడిపిన దారులెనెన్నో

నను మలచిన ఊరు 

ఎన్నెన్నో గురుతులనిచ్చినదే

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే

ముగ్గు మీద కాలు వెయ్యగానే 

రయ్యిమంటూ కయ్యిమన్న ఆడపిల్ల

ముక్కుమీదకొచ్చే కోపం

భోగి మంట ముందు నిల్చోనుంది చల్లగాలి

ఒంటినే వెచ్చగా తాకుతోంది

తంబూరలతో చిడత పాడేనంటా

గంగిరెద్దులాటలో డోలు సన్నాయంటా

పెద్ద పండగొచ్చేనోయంటూ ముస్తాబు 

అయింది చూడరా ఊరు ఇచ్చట

ఇంటి గడప ఉంది స్వాగతించడానికి

వీధి అరుగు ఉంది మాట కలపడానికి

రచ్చబండ ఉంది తీర్పు చెప్పడానికీ.. 

ఊరు ఉంది చింత దేనికి

మన ఊరితో సమయాన్నిలా 

గడిపేయడం ఒక సరదా రా

మనవారితో కలిసుండడం 

ఒక వరమేరా ఓ…

దెబ్బలాటలోనా ఓడిపోతే కోడిపుంజు 

పొయ్యి మీద కూరలాగా 

తాను మారి పోదా పాపం

మేడ మీద నుండి గాలిపటము 

నింగి దాకా దారం తూగగా ఎగురుతోంది 

ఎడ్లబండి పై ఎక్కి చిన్నా పెద్దా

గోల గోల చేయడం ఎంత బాగుందంట

రోజు మారి పోయిన గాని తగ్గేది లేదంట

అంతటా సంబరాలే

విందు భోజనాలు చేసి రావటానికి

నచ్చినట్టు ఊరిలోన తిరగడానికి

అంతమందినొక్కసారి కలవడానికీ

చాలవంట మూడు రోజులు

మన ఊరితో సమయాన్నిలా 

గడిపేయడం ఒక సరదా రా

మనవారితో కలిసుండడం 

ఒక వరమేరా....ఆఆఆ..

మన ఊరితో సమయాన్నిలా 

గడిపేయడం ఒక సరదా రా

మనవారితో కలిసుండడం 

ఒక వరమేరా ఓ…

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే

సందళ్ళే సందళ్ళే సంక్రాంతి సందళ్ళే

అంగరంగ వైభవంగా సంక్రాంతి సందళ్ళే