పరోపకారా పర్జన్య దేవా పాట లిరిక్స్ | తిరుప్పావై గీతగోపాలం

 ఆల్బం : తిరుప్పావై గీతగోపాలం

సంగీతం : వి.డి.శ్రీకాంత్

సాహిత్యం : ఆచ్చి వేణుగోపాలాచార్య

గానం : నిత్య సంతోషిణి, గాయత్రి

 

పరోపకారా పర్జన్య దేవా

సరాగముతో వర్షించి పోవా

నీ ఔదార్యము నీ దాతృత్వము

నిర్మలమైనది నీవెరుగ లేవా

గంభీర జలధి మధ్యలోకేగి

కుంచించి త్రాగేసి జగమంత మోగి

రమణుల మురిపించు కమనీయ గాత్రా

తంభాన నెరసిన నరహరిని ఎరుగవా

శ్రీచక్రమోలే ధగ ధగ మెరసి

శంఖారావమోలే దడ దడ ఉరిమి

శార్ఘ ధనువుల శరములు కురిపించి

అనుభూతి కలిగించి వర్షించి పోవా

భూలోకమంతయూ పులకించి పోగా

ఈ లోకులెల్లరు హర్షింతుననగా

సంతోషముప్పొంగు మార్గశిరమున

చలివాన జల్లుల జలమ్ములాడగ

 

పరోపకారా పర్జన్య దేవా

సరాగముతో వర్షించి పోవా