మనసు పరిమళించెనే పాట లిరిక్స్ | శ్రీకృష్ణార్జునయుద్ధం (1963)

చిత్రం : శ్రీకృష్ణార్జునయుద్ధం (1963)

సంగీతం : పెండ్యాల

సాహిత్యం : పింగళి

గానం : ఘంటసాల, సుశీల 

ఓ..ఓ..ఓ..ఓ..ఓ..ఓ..ఓ.. 

మనసు పరిమళించెనే..  

తనువు పరవశించెనే

నవ వసంత గానముతో.. 

నీవు నటన సేయగనే

మనసు పరిమళించెనే..  

తనువు పరవశించెనే

నవ వసంత రాగముతో.. 

నీవు చెంత నిలువగనే 

మనసు పరిమళించెనే.. 

తనువు పరవశించెనే

నీకు నాకు స్వాగతమనగా 

కోయిలమ్మ కూయగా

ఆ..... ఆ.... . ఆ..... ఆ....

నీకు నాకు స్వాగతమనగా 

కోయిలమ్మ కూయగా

గలగలగల సెలయేరులలో 

కలకలములు రేగగా 

మనసు పరిమళించెనే.. 

ఆ.. ఆ.. హా..

తనువు పరవశించెనే.. 

ఓ..ఓ..ఓ..

నవ వసంత గానముతో... 

నీవు చెంత నిలువగనే 

మనసు పరిమళించెనే... 

తనువు పరవశించెనే

క్రొత్త పూల నెత్తావులతో 

మత్తుగాలి వీచగా

ఆహ .. ఆ . అ ఆ

క్రొత్త పూల నెత్తావులతో 

మత్తుగాలి వీచగా

భ్రమరమ్ములు 

గుములు గుములుగా... 

ఝుం ఝుమ్మని పాడగా 

మనసు పరిమళించెనే... 

తనువు పరవశించెనే

తెలి మబ్బులు కొండ కొనలపై 

హంసల వలె ఆడగా

అహా .. ఆ . అ.. ఆ

తెలి మబ్బులు కొండ కొనలపై 

హంసల వలె ఆడగా

రంగరంగ వైభవములతో 

ప్రకృతి విందు సేయగా

మనసు పరిమళించెనే...  

తనువు పరవశించెనే

నవ వసంత రాగముతో 

నీవు చెంత నిలువగనే

మనసు పరిమళించెనే... 

తనువు పరవశించెనే