అపురూప లావణ్యం అందాలు చిందా పాట లిరిక్స్ | తిరుప్పావై గీతగోపాలం

 ఆల్బం : తిరుప్పావై గీతగోపాలం

సంగీతం : వి.డి.శ్రీకాంత్

సాహిత్యం : ఆచ్చి వేణుగోపాలాచార్య

గానం : నిత్య సంతోషిణి, గాయత్రి

అపురూప లావణ్యం అందాలు చిందా

ఆశ్రయించితిమయ్యా ఆదుకో గోవిందా

కంటకులనెల్లరిని హతమార్చే గోవిందా

కళ్యాణ గుణ పూర్ణ కదలిరా గోవిందా

నిన్ను కీర్తించతగు వ్రతవస్తువులు పొంది

కన్నుకుట్టెడి ఘన సన్మానములొంది

వన్నెల గాజులను కరములందు వేసి

మున్ను చూడని దండ కడియాలుదొడిగి

కర్ణములగెంటియొ కాళ్ళకు కడియాలు

సౌవర్ణ మణిమయ ఆభరణ మాలలు

వివిధ వర్ణములైన జరి అంచు వస్త్రములు

వర్ణించు విధముగా ధరియించుకున్నాము

పాలు అన్నము కలిపి పాయసము చేశాము

పాడినెయ్యిని తెచ్చి ప్రవహించ పోశాము

మోచేతి మీదుగ నెయ్యి కారుచునుండ

కూర్చుని మాతోడ భుజియించ వేడేము

అపురూప లావణ్యం అందాలు చిందా

ఆశ్రయించితిమయ్యా ఆదుకో గోవిందా

కంటకులనెల్లరిని హతమార్చే గోవిందా

కళ్యాణ గుణ పూర్ణ కదలిరా గోవిందా