సాగే జీవనమొక నటనా పాట లిరిక్స్ | నటన (2018)

చిత్రం : నటన (2018)

సంగీతం : ప్రభు ప్రవీణ్ లంక  

సాహిత్యం : భారతీబాబు పెనుపాత్రుని

గానం : ఎమ్.ఎమ్.శ్రీలేఖ

ఘటనా ఘటన సంఘటనె బ్రతుకై

సాగే జీవనమొక నటనా

జన్మం గమనం గమ్యం మధ్యన

ఈశుడు ఆడే ఈ నటనా  

 

పుట్టుకతోనే బంధాలన్నీ

ఏర్పడటమె కద ఒక నటనా

పెరిగే కొద్ది ఒక్కో బంధం

వేర్పడిపోవడమొక నటనా

జన్మించడమే ఒక నటనా

జగన్నాటకం ఒక నటనా

జనుల కోసమే జన నటనా

జరిగేదంతా నటనా ఆఆఆ

ఘటనా ఘటన సంఘటనె బ్రతుకై

సాగే జీవనమొక నటనా

జన్మం గమనం గమ్యం మధ్యన

ఈశుడు ఆడే ఈ నటనా 

పరిచయాలకై పరుగులు తీసే

పరిష్వంగనం ఒక నటన

పరాయి వాళ్ళ పలకరింపులో

ప్రతిధ్వనించేదొకనటనా

ప్రతి విషయానికి మనలో మనమే

పంతమాడడమె ఒకనటనా

ప్రతిరోజు ప్రతి అడుగుకు అడుగు

ప్రతి స్పందనే ఒక నటనా

సిరిగల వానికి నటనను నేర్పిన

శివుడి లీలలే ఒక నటనా

శిరమున గర్వము ఎక్కితే చిదిమే

శివుడి ముందరా ఈ నటనా 

నిండి ఉన్న నీలో నటనా

నిన్న జన్మదే ఈ నటనా

ఆత్మ చరితమే ఈ నటనా

పరమాత్మ లీనమై ఈ నటనా

జనించి జీవించి శోధించి

సాధించె నటనా