ఏళ్ళను పాయసమే ప్రవహిస్తే పాట లిరిక్స్

ఏళ్ళను పాయసమే ప్రవహిస్తే

సంద్రాలంబడి సరస్సులైతే

చెర్లో చేపలు చిక్కుళ్ళయితే

తిండికి తొందరయేముంది॥

నాయకులందరు బాలకులైతే

సంసారులంత సన్నాసులైతే

కాకి ఆర్పులే కఱవైపోతే

శాంతికి తొందర యేముందీ॥

ముక్కుమూయగ మోక్షంవస్తె

పూజసేయగా పుణ్యంవస్తె

పాటకు దేముడు పరిగిడివస్తె

స్వర్గపుతొందర యేముంది॥

ప్రభువుల గుండెలు బంగారమైతే

ఖాతాలన్నీ కడుక్కుపోతే

దలారిగాళ్ళు తన్నుకుచస్తే

డబ్బుకు తొండరయేముంది॥

పల్లెపడుచులె పెండ్లాలైతే

ఉల్లిపూవులే మల్లెలు అయితే

కథలే నిజమై కనబడిపోతే

ఏడుపు తొండరయేముంది॥