ఏలా ఇంత దూరం నీవే నాకు ప్రాణం పాట లిరిక్స్ | జమదగ్ని (1988)

చిత్రం : జమదగ్ని (1988)

సంగీతం : ఇళయరాజా

సాహిత్యం : వేటూరి

గానం : రాజ్ సీతారాం, జానకి

ఏలా ఇంత దూరం నీవే నాకు ప్రాణం 

ఏలా ఇంత దూరం నీవే నాకు ప్రాణం

వేర్ ఆర్ యూనౌ యు టెల్ మీ నౌ

వేర్ ఆర్ యూనౌ యు లవ్ మీ నౌ

వేర్ ఆర్ యూనౌ

ఏలా ఇంత దూరం నీవే నాకు ప్రాణం 

చేమంతి పూదోటలో సాగే హేమంత రాగానివై

లేమంచు కవ్వింతలే రేగే నా ప్రేమ గీతిలా

దోసిళ్లలోని ఆశలన్నీ కౌగిళ్ల పూసి రాలిపోయె

నీకళ్ళలోని ఊసులన్ని నా పెళ్ళినాటి బాసలాయె 

పారాణిలా పదాలే తాకీ.. రేరాణిలా సుఖాలే పూసీ..

నీ పైటతో పదాలే రాసి ఆ పాటలో స్వరాలే పోసీ

ముద్దాడుకున్నాయి లే ప్రేమ క్రీనీడలై.. 

వేర్ ఆర్ యూనౌ యు టెల్ మీ నౌ

వేర్ ఆర్ యూనౌ యు టెల్ మీ నౌ

వేర్ ఆర్ యూనౌ

వేసంగి నిట్టూర్పులో ఏదో సన్నాయి పాడిందిలే 

ఆషాఢ నీరెండలో పూసే సంపెంగ పూలతో

ఆకాశమంత పందిరేసి భూదేవిలాగ వాలిపోయి 

అక్షింతలంటి తారలన్ని ఆనాటిదాక రాకపోయి 

నీ కళ్ళలో నిషానే తీసి కౌగిళ్ళనే హుషారే చేసి 

సంకెళ్ళతో సరాగాలాడి కన్నీళ్లతో వసంతాలాడి 

చెల్లించుకుందాములే చేసినా బాసలే.. 

వేర్ ఆర్ యూనౌ యూ ఆర్ మై లవ్

వేర్ ఆర్ యూనౌ యూ ఆర్ మై లవ్ 

వేర్ ఆర్ యూనౌ

ఏలా ఇంత దూరం నీవే నాకు ప్రాణం 

ఏలా ఇంత దూరం నీవే నాకు ప్రాణం