తెల్లావారక ముందే పల్లే లేచిందీ పాట లిరిక్స్ | ముత్యాల పల్లకి (1970)

 చిత్రం : ముత్యాల పల్లకి (1970)

సంగీతం : సత్యం

సాహిత్యం : మల్లెమాల

గానం : సుశీల

తెల్లావారక ముందే పల్లే లేచిందీ

తన వారినందరినీ తట్టి లేపిందీ

ఆదమరచి నిద్ర పోతున్న తొలికోడి

అదిరి పడి మేల్కొంది అదే పనిగ కూసింది

తెల్లావారక ముందే పల్లే లేచిందీ

తన వారినందరినీ తట్టి లేపిందీ

వెలుగు దుస్తులేసుకునీ సూరీడూ

తూర్పు తలుపు తోసుకుని వచ్చాడు

పాడు చీకటికెంత భయమేసిందో

పక్క దులుపు కుని ఒకే పరుగు తీసిందీ

అది చూసీ.. లతలన్నీ.. ఫక్కున నవ్వాయి

ఆ నవ్వులే ఇంటింటా పువ్వులైనాయి

తెల్లావారక ముందే పల్లే లేచిందీ

తన వారినందరినీ తట్టి లేపిందీ

పాలావెల్లి లాంటి మనుషులు

పండూ వెన్నెల వంటీ మనసులు

మల్లె పూల రాశి వంటి మమతలూ

పల్లె సీమలో కోకొల్లలూ

అనురాగం.. అభిమానం

అనురాగం అభిమానం కవల పిల్లలూ

ఆ పిల్లలకూ పల్లెటూళ్ళు కన్న తల్లులూ

తెల్లావారక ముందే పల్లే లేచిందీ

తన వారినందరినీ తట్టి లేపిందీ