పాడనా వేణువునై పాట లిరిక్స్ | సుందరి సుబ్బారావ్ (1984)

 చిత్రం : సుందరి సుబ్బారావ్ (1984)

సంగీతం : సత్యం

సాహిత్యం : వేటూరి

గానం : బాలు, జానకి(ఆలాపన)

పాడనా వేణువునై నీవు నా ప్రాణమై

పాడనా వేణువునై నీవు నా ప్రాణమై

నా జీవన బృందావని లో

ప్రియ దర్శన రస మాధురిలో

పాడనా వేణువునై  నీవు నా ప్రాణమై

చెలీ! సఖీ! ప్రియే! చారుశీలే! అనీ..

తలచి తనువు మరచి కలలు కన్నానులే

కాముడిలా సుమ బాణాలు వేసి

కదిలిన నీ చలి కోణాలు చూసి

ఆమనిలో సుమ గంధాలు పూసి

కవితలుగా నవ వేదాలు రాసి

మోవికి తగిలి ముద్దుల మురళి

కౌగిళ్ళలో ప్రియ కళ్యాణిలో

సంగీతమే పాడిందిలే

పాడనా వేణువునై నీవు నా ప్రాణమై

కలం..గళం..స్వరం నాకు నీవేననీ

మధుర ప్రణయ కవిత పాడుకున్నానులే

నీలో అలిగే అందాల రూపం

నాలో వెలిగే శృంగార దీపం

నీలో కరిగే ఆ ఇంద్ర చాపం

నాలో జరిగే అమృతాభిషేకం

సన్నని కులుకే వెన్నెల చినుకై

రమ్మందిలే మనసిమ్మందిలే

నీ రాగమే పాడిందిలే

పాడనా వేణువునై నీవు నా ప్రాణమై

నా జీవన బృందావని లో

ప్రియ దర్శన రస మాధురిలో

పాడనా వేణువునై నీవు నా ప్రాణమై