మనసంతా మేఘమై తేలిపోదా పాట లిరిక్స్ | కళ్యాణవైభోగమే (2016)

 చిత్రం : కళ్యాణవైభోగమే (2016)

సంగీతం : కళ్యాణ్ కోడూరి

సాహిత్యం : లక్ష్మీ భూపాల్

గానం : చిన్మయి శ్రీపాద

మనసంతా మేఘమై తేలిపోదా

తనచూపే తెమ్మెరై తాకగా

ఎండల్లో చల్లగా చిరుజల్లే వెచ్చగా

పులకింతే కొత్తగా అందుకేనా...

మనసంతా మేఘమై తేలిపోదా

తనచూపే తెమ్మెరై తాకగా

ఇంత మోసం ఎవరికోసం

మనసుకే నేను చులకనా

ఎంత దూరం ఈ ప్రయాణం

కోపమా నా పైనా..

నువ్వే లేని నాలోనేను

ఉండలేననా

భారమైన ఊపిరి చూసీ

దాచుకున్న ఇష్టం తెలిసీ

అతని వైపు నన్నే లాగేనా

నిదురపోని కళ్ళను చూసీ

కలలు వచ్చి నిందలు వేసీ

అతని పరిచయాలే అడిగేనా

...తేలిపోదా...

...తాకగా...

వేణుగానం వెదురులోనే

దాగి ఉందన్న సంగతి

పెదవిపైనా అతని పేరే

పలికితే తెలిసింది

ఉయ్యాలూగె నా ఊహల్లో

ఊపిరైనది

బుగ్గమీద చిటికేస్తాడు

సిగ్గులోన ఎరుపవుతాడూ

ఎందుకింత సొంతం అయ్యాడే

రెప్పచాటు స్వప్నం వాడూ

కమ్ముకున్న మైకం వాడూ

ఏవిటింత పిచ్చై పోయానే

తనచూపే... తాకగా...

ఎండల్లో చల్లగా చిరుజల్లే వెచ్చగా

పులకింతే కొత్తగా అందుకేనా...

మనసంతా మేఘమై తేలిపోదా

తనచూపే తెమ్మెరై తాకగా