బంగారు బొమ్మ రావేమే పాట లిరిక్స్ | రక్తసంబంధం (1962)

 చిత్రం : రక్తసంబంధం (1962)

సంగీతం : ఘంటసాల

సాహిత్యం : అనిసెట్టి

గానం : సుశీల

బంగారు బొమ్మ రావేమే పందిట్లో పెళ్లి జరిగేనే

బంగారు బొమ్మ రావేమే పందిట్లో పెళ్లి జరిగేనే

 కళ్యాణ శోభకనగానే కనులార తనివితీరేనే

ఓ బంగారు బొమ్మ రావేమే పందిట్లో పెళ్లి జరిగేనే

ఎనలేని నోము నోచీ నీవీరోజుకెదురుచూచి

మురిపించి మనసు దోచి మది ముత్యాల ముగ్గులేసి

కలగన్న ఘడియ రాగానే తలవంచి బిడియ పడరాదే...

కలగన్న ఘడియ రాగానే తలవంచి బిడియ పడరాదే

 

ఓ బంగారు బొమ్మ రావేమే పందిట్లో పెళ్లి జరిగేనే

అందాల హంస నడక ఈ అమ్మాయి పెళ్లినడక

ఓయమ్మ సిగ్గుపడకే వేచి వున్నాడు పెళ్ళికొడుకే

నూరేళ్ళపంట పండేనే గారాల సిరులు పెరిగేనే..

నూరేళ్ళపంట పండేనే గారాల సిరులు పెరిగేనే..

ఓ బంగారు బొమ్మ రావేమే పందిట్లో పెళ్లి జరిగేనే

మనసైన వాడు వరుడు.. నీ మదినేలుకొనెడు ఘనుడు

వేసేను మూడుముళ్ళు ఇక కురిసేను పూలజల్లు

ఈ ఏటికిరువురొకటైతే మీదటికి ముగ్గురౌతారే

ఈ ఏటికిరువురొకటైతే మీదటికి ముగ్గురౌతారే

ఊ –ళ ళ ళ –హాయి

ఓ బంగారు బొమ్మ రావేమే పందిట్లో పెళ్లి జరిగేనే

బంగారు బొమ్మ రావేమే పందిట్లో పెళ్లి జరిగేనే