నేనేనా ఆ నేనేనా లిరిక్స్ | అంతకుముందు ఆతరువాత

నేనేనా ఆ నేనేనా పాట 

 చిత్రం : అంతకుముందు ఆతరువాత

సాహిత్యం : సిరివెన్నెల

సంగీతం : కళ్యాణి కోడూరి(కళ్యాణిమాలిక్)

గానం : శ్రీకృష్ణ, సునీత

నేనేనా ఆ నేనేనా!

నా నుంచి నేనే వేరయ్యానా!!

ఉన్నానా నేనున్నానా!

ఉన్నానుగా అంటున్నానా!!

వెళ్ళొస్తానంటూ ఆ నిజం

ఓ జ్ఞాపకంలా మారిపోతున్నా

ఏం చేశాననీ ఏం చూస్తున్నాననీ

అనుకోని ఆ క్షణం.

నేనేనా ఆ నేనేనా!

నా నుంచి నేనే వేరయ్యానా!!

గాలిలో మేడ గాల్లోనే ఉంటుంది

నేలకేనాడు దిగిరాదనీ.

నీటిలో నీడ నీళ్ళల్లో కరిగింది

చేతికందేది కాదే అనీ

చెప్పాలా ఎవరో కొత్తగా

అది నమ్మలేనీ వింతకాదనీ

ఏం చేశాననీ ఏం చూస్తున్నాననీ

అనుకోని ఆ క్షణం

నేనేనా ఆ నేనేనా!

నా నుంచి నేనే వేరయ్యానా!!

ఆఅ.ఆఆఆఆఆఆఆఆ...

నన్ను నాలాగ చూపించవే అంటూ

నిలువుటద్దాన్ని నిందించనా

నేను తనలాగ ఏనాడు మారానో

నాకు నేనింక కనిపించనా

అద్దంలో లోపం లేదనీ

నా చూపులోనే శూన్యముందనీ

ఏం చేశాననీ ఏం చూస్తున్నాననీ

అనుకోని ఆ క్షణం

నేనేనా ఆ నేనేనా!

నా నుంచి నేనే వేరయ్యానా!!