ఏ దివిలో విరిసిన పారిజాతమో లిరిక్స్ | కన్నెవయసు

ఏ దివిలో విరిసిన పారిజాతమో !  పాట 

 చిత్రం : కన్నెవయసు (1973)

సంగీతం : సత్యం

సాహిత్యం : దాశరథి

గానం : బాలు

ఏ దివిలో విరిసిన పారిజాతమో !

ఏ కవిలో మెరిసిన ప్రేమగీతమో !

నా మదిలో నీవై నిండిపోయెనే..

ఏ దివిలో విరిసిన పారిజాతమో !

ఏ కవిలో మెరిసిన ప్రేమగీతమో !

నీ రూపమే దివ్య దీపమై

నీ నవ్వులే నవ్యతారలై

నా కన్నుల వెన్నెల

కాంతి నింపెనే..

|| ఏ దివిలో ||

పాలబుగ్గలను లేత సిగ్గులు

పల్లవించగా రావే!

నీలి ముంగురులు పిల్లగాలితో

ఆటలాడగా రావే!

పాలబుగ్గలను లేత సిగ్గులు

పల్లవించగా రావే!

నీలి ముంగురులు పిల్లగాలితో

ఆటలాడగా రావే!

కాలి అందియలు ఘల్లు ఘల్లుమన

రాజహంసలా రావే!

|| ఏ దివిలో ||

నిదుర మబ్బులను మెరుపు తీగవై

కలలు రేపినది నీవే

బ్రతుకు వీణపై ప్రణయరాగములు

ఆలపించినది నీవే

నిదుర మబ్బులను మెరుపు తీగవై

కలలు రేపినది నీవే

బ్రతుకు వీణపై ప్రణయరాగములు

ఆలపించినది నీవే

పదము పదములో మధువులూరగా

పదము పదములో మధువులూరగా

కావ్యకన్యవై రావే!

|| ఏ దివిలో ||