వీడు ఆరడుగుల బుల్లెట్టు లిరిక్స్ | అత్తారింటికి దారేది

 గగనపు వీథి వీడి వలస వెళ్ళి పోయిన నీలిమబ్బు కోసం పాట 

చిత్రం : అత్తారింటికి దారేది

సంగీతం : దేవీశ్రీప్రసాద్

సాహిత్యం : శ్రీమణి

గానం : విజయప్రకాష్, సాకీ బై MLR కార్తికేయన్.

గగనపు వీథి వీడి వలస వెళ్ళి పోయిన నీలిమబ్బు కోసం

తరలింది తనకు తానే ఆకాశం పరదేశం

శిఖరపు అంచునుంచి నేల జారిపోయిన నీటి చుక్క కోసం

విడిచింది చూడు నదమే తనవాసం వనవాసం

భైరవుడో భార్గవుడో భాస్కరుడో మరి రక్కసుడో

ఉక్కు తీవె లాంటి ఒంటి నైజం.. వీడు మెరుపులన్నీ ఒక్కటైన తేజం

రక్షకుడో తక్షకుడో పరీక్షలకే సుశిక్షితుడో 

శత్రువంటు లేని వింత యుద్ధం

ఇది గుండె లోతు గాయమైన సిద్ధం

నడిచొచ్చే నర్తనశౌరీ  పరిగెత్తే పరాక్రమ సైరీ.. 

హాలాహలం ధరించిన దగ్ధాహృదయుడో

వీడు ఆరడుగుల బుల్లెట్టు

వీడు ధైర్యం విసిరిన రాకెట్టు

గగనపు వీథి వీడి వలస వెళ్ళి పోయిన నీలిమబ్బు కోసం

తరలింది తనకు తానే ఆకాశం పరదేశం

శిఖరపు అంచునుంచి నేల జారిపోయిన నీటి చుక్క కోసం

విడిచింది చూడు నదమే తనవాసం వనవాసం

దివి నుంచి భువి పైకి భగ భగ మని కురిసేటీ

వినిపించని కిరణం చప్పుడు వీడు...

వడివడిగా వడగళ్ళై దడదడమని జారేటీ

కనిపించని జడివానేగా వీడు 

శంఖం లో దాగేటీ పొటేత్తిన సంద్రపు హోరితడు

శోకాన్నే దాచేసే ఆశోకుడు వీడురో ..

వీడు ఆరడుగుల బుల్లెట్టు 

వీడు ధైర్యం విసిరిన రాకెట్టు

తన మొదలే వదులుకొని పైకెదిగిన కొమ్మలకీ

చిగురించిన చోటుని చూపిస్తాడూ

తన దిశనే మార్చుకుని ప్రభవించే సూర్యుడికీ        

తన తూరుపు పరిచయమే చేస్తాడు

రావణుడో రాఘవుడో మనసును దోచే మాధవుడో 

సైనికుడో శ్రామికుడో అసాధ్యుడు వీడురో

వీడు ఆరడుగుల బుల్లెట్టు 

వీడు ధైర్యం విసిరిన రాకెట్టు

గగనపు వీథి వీడి వలస వెళ్ళి పోయిన నీలిమబ్బు కోసం

తరలింది తనకు తానే ఆకాశం పరదేశం

శిఖరపు అంచునుంచి నేల జారిపోయిన నీటి చుక్క కోసం

విడిచింది చూడు నదమే తనవాసం వనవాసం