మిడిసి పడే దీపాలివి లిరిక్స్

చిత్రం : ఆస్తులు అంతస్తులు

సంగీతం : ఇళయరాజా

సాహిత్యం : వేటూరి

గానం : కె.జె.ఏసుదాస్

మిడిసి పడే దీపాలివి

మిన్నెగసి పడే కెరటాలివి

మిడిసి పడే దీపాలివి

మిన్నెగిసి పడే కెరటాలివి

వెలుగు పంచలేవు ఏ దరిని చేరుకోవు

వెలుగు పంచలేవు ఏ దరిని చేరుకోవు

ఈ జీవితమే ఒక గమ్యం లేని నావ

సుఖ దుఃఖాలే ఏకమైన రేవులో

||మిడిసి||

బావి లోతు ఇంతని తెలుసు

నదుల లోతు కొంతే తెలుసు

ఆడ గుండె లోతు ఎంతో లోకం లో యెవరికి తెలుసు

ఏ నిమిషం ప్రేమిస్తుందో ఏ నిమిషం పగబడుతుందో

ఎప్పుడెలా మారుతుందో తెలిసిన మగవాడు లేడు

రాగం అనురాగం ఎర వేసి జత చేరి

కన్నీట ముంచుతుందిరా

||మిడిసి||

పాము విషం సోకిన వాడు ఆయువుంటె బతికేస్తాడు

కన్నె వలపు కరిచిన వాడు నూరేళ్ళకి తేరుకోడు

సొగసు చూసి మనసిచ్చావా బందీగా నిలబడతావు

నీ కలలే విరిగిననాడూ కలతే నీ తోడవుతుంది

లేదు ఏ సౌఖ్యం రవ్వంత సంతోషం ఈ ఆడదాని ప్రేమలో

||మిడిసి||