సూర్య స్తుతి (ఋగ్వేదాంతర్గత) లిరిక్స్ | భక్తి | సూర్య దేవ | Aarde Lyrics Telugu

Surya Stuti (Rigveda) Lyrics

BHAKTHI

Stotram/Song/ Mantra::  సూర్య స్తుతి (ఋగ్వేదాంతర్గత స్తోత్రం

Devotional  / Lord Surya 

Aarde Lyrics

Get This Lyrics In English Script Click Here

సూర్య స్తుతి (ఋగ్వేదాంతర్గత) లిరిక్స్ 

(ఋ.వే.౧.౦౫౦.౧)

ఉదు॒ త్యం జా॒తవే॑దసం దే॒వం వ॑హన్తి కే॒తవ॑: |
దృ॒శే విశ్వా॑య॒ సూర్య॑మ్ || ౧

అప॒ త్యే తా॒యవో॑ యథా॒ నక్ష॑త్రా యన్త్య॒క్తుభి॑: |
సూరా॑య వి॒శ్వచ॑క్షసే || ౨

అదృ॑శ్రమస్య కే॒తవో॒ వి ర॒శ్మయో॒ జనా॒గ్ం అను॑ |
భ్రాజ॑న్తో అ॒గ్నయో॑ యథా || ౩

త॒రణి॑ర్వి॒శ్వద॑ర్శతో జ్యోతి॒ష్కృద॑సి సూర్య |
విశ్వ॒మా భా॑సి రోచ॒నమ్ || ౪

ప్ర॒త్యఙ్ దే॒వానా॒o విశ॑: ప్ర॒త్యఙ్ఙుదే॑షి॒ మాను॑షాన్ |
ప్ర॒త్యఙ్విశ్వ॒o స్వ॑ర్దృ॒శే || ౫

యేనా॑ పావక॒ చక్ష॑సా భుర॒ణ్యన్త॒o జనా॒గ్ం అను॑ |
త్వం వ॑రుణ॒ పశ్య॑సి || ౬

వి ద్యామే॑షి॒ రజ॑స్పృ॒థ్వహా॒ మిమా॑నో అ॒క్తుభి॑: |
పశ్య॒ఞ్జన్మా॑ని సూర్య || ౭

స॒ప్త త్వా॑ హ॒రితో॒ రథే॒ వహ॑న్తి దేవ సూర్య |
శో॒చిష్కే॑శం విచక్షణ || ౮

అయు॑క్త స॒ప్త శు॒న్ధ్యువ॒: సూరో॒ రథ॑స్య న॒ప్త్య॑: |
తాభి॑ర్యాతి॒ స్వయు॑క్తిభిః || ౯

ఉద్వ॒యం తమ॑స॒స్పరి॒ జ్యోతి॒ష్పశ్య॑న్త॒ ఉత్త॑రమ్ |
దే॒వం దే॑వ॒త్రా సూర్య॒మగ॑న్మ॒ జ్యోతి॑రుత్త॒మమ్ || ౧౦

ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రా॒o దివ॑మ్ |
హృ॒ద్రో॒గం మమ॑ సూర్య హరి॒మాణ॑o చ నాశయ || ౧౧

శుకే॑షు మే హరి॒మాణ॑o రోప॒ణాకా॑సు దధ్మసి |
అథో॑ హారిద్ర॒వేషు॑ మే హరి॒మాణ॒o ని ద॑ధ్మసి || ౧౨

ఉద॑గాద॒యమా॑ది॒త్యో విశ్వే॑న॒ సహ॑సా స॒హ |
ద్వి॒షన్త॒o మహ్య॑o ర॒న్ధయ॒న్మో అ॒హం ద్వి॑ష॒తే ర॑ధమ్ || ౧౩