ఊహవో ఊపిరివో సాంగ్ లిరిక్స్ సువర్ణ సుందరి (1981) తెలుగు సినిమా

Album : Suvarana Sundari

Starring: Chandra Mohan, jaya Sri, jaggaiah

Music : Ramesh Naidu

Lyrics-Veturi

Singers : Sp Balu, Janiki

Producer: Attla Brama Reddy

Director: Veram Masthan Rao

Year: 1981

English Script Lyrics CLICK HERE

ఊహవో... ఊపిరివో... నా జీవన రసమాధురివో
ఊహవో... ఊపిరివో... నా జీవన రసమాధురివో
వివర్ణమైన ఆశల ముంగిట... సువర్ణ సుందరివో
ఇదే నా స్వాగతం... నీవే నా జీవితం

ఊహవో... ఊపిరివో... నా జీవన రసమాధురివో
వివర్ణమైన ఆశల ముంగిట... సువర్ణ సుందరివో
ఇదే నా స్వాగతం... నీవే నా జీవితం

చీకటి తీవెల రాతిరి వీణియ 
నవ్విన వేకువ చూపులని
ఆమని తేనెల వాగుల పొంగిన 
తీయని అలలే మాటలని
కంకణముల సడి పాటలుగా
కలికి అందియల ఆటలుగా
ఎడదల చప్పుడు తాళముగా
విడుదల ఎరుగని కౌగిలిలో...

కనుపాపలు తానాలాడే
ఆషాడపు అభిషేకంలో
ఏడుజన్మలిటు...  ఆరు ఋతువులై
నూరు శరత్తులు విరిసిన వేళ

ఉదయరేఖ నుదుటదిద్ది.... కదలిరావే నా సుందరి
ఓ నా ఉషస్సుందరి.....

ఊహవో... ఊపిరివో... నా జీవన రస మాధురివో

వెన్నెలసణిగే వెండిమువ్వలో 
సన్నని లయ నా హృదయమని
కిన్నెర పలికే చిలిపి ముద్దులో 
చల్లని శృతి నా ప్రణయమని
గగన నీలిమలు కురులుగా 
ఉదయరక్తిమలు పెదవులుగా
హరిత చైత్రములు చీరెలుగా 
శరణ్మేఘముల నడకలలో

నిన్ను తాకిన హేమంతంలో 
సుడిరేగిన సంగీతంలో
సప్తవర్ణములు సప్తస్వరాలై 
సప్తపదులు నడిపించిన వేళా
కలలు వీడి.. ఇలకు చేరి 
కలిసిపొవె నా సుందరి 
ఇంద్రధనుస్సుందరీ

ఊహవో...  ఊపిరివో... నా జీవన రసమాధురివో
వివర్ణమైన ఆశల ముంగిట... సువర్ణ సుందరివో
ఇదే నా స్వాగతం... నీవే నా జీవితం